Բրյուսելի օդանավակայանում մարտի 22-ի ահաբեկչությունից հետո իրենց աշխատանքն են վերսկսել 111 հաշվառման սեղանները։ Այս մասին «ՌԻԱ Նովոստի»- հայտնել են ավիատերմինալի աշխատակազմից։
Միաժամանակ շարունակվում է ուղեւորների հաշվառումը 36 ժամանակավոր սեղանների մոտ։
Թռիչքների սրահում նստեցման հսկիչ կետերի աշխատանքի վերականգնումը թույլ կտա 80 տոկոսով վերականգնել հաշվառման հնարավորությունները, իսկ օդանավակայանը ամբողջովին նորմալ աշխատանքային գրաֆիկի կանցնի հունիսի երկրորդ կեսին։
Հիշեցնենք, որ մարտի 22-ին Բրյուսելի օդանավակայանում 2 պայթյուն էր որոտացել։