Պուերտո Ռիկոյում տնտեսական ճգնաժամը մեղմելու հնարավորության մասին ապարդյուն բանակցությունների ավարտից հետո երկրի իշխանությունները հայտնել են, որ դադարեցնում են պետական պարտքի մի մասի՝ 422 մլն դոլարի վճարումը, հայտնում է BBC–ն:
Նահանգապետ Ալեխանդրո Գարսիա Պադիլյան իր հեռուստատեսային ուղերձում պատմել է, որ հրաման է արձակել պարտքի վճարումները դադարեցնելու մասին:
«Անկեղծ լինեմ՝ սա ցավոտ ոոշում էր: Մենք կնախընտրեինք ունենալ իրավական հիմք մեր պարտքերը կարգավորված ձեւով վերակազմակերպելու համար»,- ասել է նա:
Պադիլյան նաեւ հայտնել է, որ պարտային պարտավորությունները չկատարելը կարող է վարկատուների կողմից դատական հայցերի պատճառ դառնալ: Ընդ որում նշում են, որ 1.9 մլրդ պարտքը երկիրը պետք է վճարեր հուլիսին: