Երեւանի Շիրակի փողոցում թիվ 21ա շենքի դիմաց, ապրիլի 29-ին, «Մերսեդես-Բենց» մակնիշի ավտոմեքենան բախվել է «ԲՄՎ» մակնիշի ավտոմեքենայի, այնուհետեւ կայանված «Մերսեդես-Բենց»-ի, որն էլ առաջ ընթանալով բախվել է առջեւում կայանված «ԳԱԶ-31029» մակնիշի ավտոմեքենային:
Ոստիկանության մամուլի ծառայությունից NEWS.am-ին հայտնում են, որ «ԳԱԶ-31029»-ի վարորդը մնալով իր եւ «Մերսեդես-Բենց» մակնիշի ավտոմեքենաների միջնամասում ստացել է մարմնական վնասվածքներ եւ տեղափոխվել հիվանդանոց:
Ապրիլի 30-ին, ժամը 09.00-ին, «ԳԱԶ-31029»-ի վարորդը` 56-ամյա Գագիկ Մելիքյանը, հիվանդանոցի վերակենդանացման բաժանմունքում մահացել է:
Կատարվում է քննություն: