2016թ. առաջին եռամսյակում Հայաստանում մշտական բնակչության թվաքանակի ցուցանիշը նվազել է: Այս մասին այսօր` մայիսի 2-ին, լրագրողների հետ հանդիպմանն ասաց ՀՀ ԱՎԾ մարդահամարի եւ ժողովրդագրության բաժնի պետ Կարինե Կույումջյանը: Նրա խոսքով` ապրիլի 1-ի դրությամբ մշտական բնակչության թվաքանակը կազմել է 2 միլիոն 994 հազար 400 մարդ` նախորդ տարվա նույն ժամանակահատվածի համեմատ բնակչության թվաքանակը նվազել է 12 300-ով:
«Մենք բնակչության թվաքանակի համար միգրացիայի ցուցանիշը գնահատում ենք` հիմք ընդունելով տնային տնտեսությունների ինտեգրացված հետազոտության արդյունքներով ստացված տվյալները: Բնակչության թվաքանակում նվազում է արձանագրվել: Տարեսկզբի նկատմամբ բնակչության թվաքանակը նվազել է 4 200-ով»,-ասաց նա:
