Թուրքիան եւ Խորվաթիան Սերբիայի եւ Ռուսաստանի դեմ օսմանիզմի եւ ֆաշիզմի միություն են ստեղծում։ Այս մասին «Պրավդա» սերբական պարբերականին ասել է ահաբեկչության դեմ պայքարի բոսնիացի մասնագետ Ջեւադ Գալիյաշեւիչը՝ մեկնաբանելով Խորվաթիայի նախագահ Կոլինդա Գրաբար Կիտարովիչի եւ Թուրքիայի ղեկավար Ռեջեփ Թայիփ Էրդողանի հանդիպումը, որի ժամանակ Բոսնիայի, Խորվաթիայի եւ Թուրքիայի միջեւ եռակողմ համագործակցության մասին համաձայնություն էր ձեռք բերվել։
Փորձագետի խոսքով՝ Բոսնիա եւ Հերցեգովինայի Պրեզիդիումի ներկայացուցիչներ Բաքիր Իզետբեգովիչն ու Դրագան Չովիչը միանում են այդ քաղաքականությանը, որը ոչ միայն հակաեվրոպական է, այլ նաեւ ուղղված է Ռուսաստանի, իսկ Բալկաններում՝ Սերբիայի եւ Սերբիայի Հանրապետության դեմ։ «Խորվաթիայի ներկա քաղաքականությամբ ճանաչում կարող են ստանալ միայն մարդիկ, որոնք մոռանում են Խորվաթիայի նացիստների հանցագործությունների մասին եւ գովաբանում են Յասենովաց համակենտրոնացման ճամբարը»,- հավելել է Գալիյաշեւիչը։
