Նոր Նորքի 7-րդ զանգվածի շենքերից մեկի մոտից, ապրիլի 23-ի լուսադեմին ոստիկանության աշխատակիցները բերման են ենթարկել Երեւանի Քանաքեռ թաղամասի գնակիչ 28-ամյա Սեւակ Դ.-ին:
Ոստիկանության մամուլի ծառայությունից NEWS.am-ին հայտնում են, որ նա կասկածվում էր ժամեր առաջ նույն տարածքում գտնվող սուպերմարկետում գործող փոխանակման մեկից բացահայտ 2 մլն դրամ հափշտակելու մեջ:
Պարզվել է, որ նա կեսգիշերին առեւտրի կենտրոնի դռան մոտ հարձակվել է հաստատության անվտանգության աշխատակցի վրա, բռունցքով հարվածել նրա դեմքին, հափշտակել տարադրամի փոխանակման կետին պատկանող 2 մլն դրամն ու դիմել փախուստի:
Աշխատակիցները հետապնդել էին, շտապ նրանց էին միացել նաեւկատարվածի մասին տեղեկացած ոստիկանները: Սեւակը թաքնվել էր շենքերից մեկի շքամուտքում, ապա փորձել էր 2-րդ հարկի բնակարաններից մեկի պատուհանով փախչել, սակայն ոստիկանները շրջապատել էին շենքը: Նրան բերման են ենթարկել ոստիկանության բաժին, որտեղ պարզվել է, որ նա երկու տարի անվտանգության աշխատակից է եղել նույն սուպերմարկետում, իսկ գործից ազատվել էր 2 ամիս առաջ:
Հայտնաբերվել է նաեւ հափշտակված 2 մլն դրամը: Սեւակ Դ.-ն ձերբակալվել է:
Մանրամասները՝ տեսանյութում: