Ֆրանսիացի գյուտարար Ֆրենկի Զապատան, որը Flyboard Air ռեակտիվ հովերբորդն է մշակել, գերազանցել է հովերբորդով թռիչքի հեռավորության Գինեսի գրքի նախորդ ռեկորդները: Այդ մասին հայտնում է Գինեսի ռեկորդների գրքի պաշտոնական կայքը, տեղեկացնում է Gazeta-ն:
Flyboard Air-ով Զապատան կարողացել է 2252 մ թռչել, ինչը ութ անգամ գերազանցում է նախորդ` 275,9 մ-ի ռեկորդը: Գյուտարարը թռիչքն իրականացրել է մոտավորապես 50 մ բարձրության վրա:
Flyboard Air-ը թռչող սարք է (հովերբորդ), որը մշակել է Zapata Racing ընկերությունը, որի հիմնադիրն ինքը` Ֆրենկին է: Ստեղծողների խոսքով, հովերբորդն ի վիճակի է առավելագույն 150 կմ/ժ արագություն զարգացնել եւ բարձրանալ 3 կմ բարձրության վրա: Սարքի վառելիքային բաքը տեղակայվում է օդաչուի թիկունքին, թռիչքի առավելագույն տեւողությունը կարող է հասնել 10 րոպեի:
