Իրաքի մայրաքաղաք Բաղդադում եւ արվարձաններում երեք ռումբ է պայթել, որի հետեւանքով զոհվել է 14 մարդ, հայտնում է Reuters-ը՝ վկայակոչելով ոստիկանությանը եւ բժիշկներին։

Ամենախոշոր պայթյունը հնչել էր Սայիդիյա թաղամասում։ Պայթյունից զոհվել է 11 մարդ, վիրավորվել՝ 30-ը։ Եվս մեկ պայթյուն էր հնչել Թարմիա քաղաք տանող ճանապարհին՝ Բաղդադից 25 կմ հյուսիս։ Այստեղ զոհվել է 2 մարդ, վիրավորվել՝ 6-ը։ Եվս մեկ պայթյուն հնչել է Հալիս քաղաքի ճանապարհին՝ Բաղդադից 30 կմ դեպի հարավ, զոհվել է 1 մարդ, վիրավորվել՝ 2-ը։

Դեռեւս ոչ ոք չի ստանձնել պայթյունների պատասխանատվությունը։