Ոստիկանության Երեւան քաղաքի վարչության օպերատիվ կառավարման կենտրոն զանգահարած քաղաքացին հայտնել է, որ զենք-զինամթերք է թողնում «Թոխմախի» գերեզմանների կենտրոնական մուտքից 150 մ վերեւ` Վարդաշենի աղբամանների մոտ:
Ոստիկանության մամուլի ծառայությունից NEWS.am-ին հայտնում են, որ ոստիկանության Էրեբունու բաժնի ծառայողները նշված վայրում հայտնաբերել են 5,6 մմ տրամաչափի ինքնաշեն ատրճանակ, «ՌԳԴ-5» եւ «Ֆ-1» տիպի 1-ական նռնակ` պայթուցիչներով, եւ ինքնաձիգի 7,62 մմ տրամաչափի 60 փամփուշտ:
Նշանակվել է դատաձգաբանական փորձաքննություն:
Կատարվում է հետաքննություն: