Գերմանիան մտադիր է Եվրամիության երկրներին կոչ անել աշխատանքներ սկսել միասնական եվրոպական բանակ ստեղծելու ուղղությամբ, գրում է Financial Times–ը:
Պարբերականի տեղեկություններով Գերմանիայի կառավարությունը արդեն հուլիսին կանի այս հարցով պաշտոնական առաջարկությունը: Այն ներառելու է ծրագրեր՝ ԶՈՒ գործողությունների համակարգման համար եվրոպական միասնական գլխավոր շտաբ, ԵՄ երկրների պաշտպանության նախարարների խորհուրդ ստեղծելու, նաեւ ռազմական տեխնիկայի համատեղ արտադրությունն ու օգտագործումը կազմակերպելու վերաբերյալ: Բացի դրանից Բեռլինը կառաջարկի ամրապնդել համագործակցությունը կիբերանվտանգության ոլորտում:
Եվրոպական շատ երկրներ հոռետեսաբար են վերաբերվում զինված ուժերի ինտեգրման հեռանկարին ու այն համարում են ՆԱՏՕ-ի արտոնությունը: Եթե Գերմանիային հաջողվի համոզել ԵՄ-ին իր առաջարկների անհրաժեշտությունը՝ դա կարեւոր քայլ կդառնա բլոկի ռազմական ներուժի ամրապնդման ճանապարհին, եզրակացնում է FT–ը: