ԱՄՆ –ում սկսել են փորձաիկել հականավային ռոբոտ-նավը, որը նախատեսված է օվկիանոսում սուզանավեր որոնելու համար, հայտնում է Associated Press –ը:
Sea Hunter ինքնակառավարվող նավը իր առաջին եռամսյա փորձարշավը սկսել է անձնակազմով: Մարդիկ ապահովելու են 40 մետրանոց ռոբոտ նավի փորձարկման անվտանգությունը: Նավն ունակ է զարգացնել ժամում մինչեւ 27 ծովային մղոն արագություն:
ԱՄՆ պաշտպանական գերատեսչությունից հայտնել են, որ այդ նավի փորձարկումները երկու տարի կտեւեն: Եթե դրանք հաջող անցնեն, ապա ԱՄՆ-ն ծրագրում է այդ տեսակի ինքնակառավարվող նավերի մի ամբողջ նավատորմ ստեղծել: Չնայած նման նավ ստեղծելու նախագծի համար շուրջ 120 մլն դոլար է ծախսվել, բայց մեկ նման նավը հավաքելու ու շահագործման հանձնելու համար շուրջ 20 մլն դոլար է պետք: Իսկ արշավի պայմաններում նման նավի մեկ օրվա աշխատանքը, մասնագետների գնահատականներով, կարժենա 20 հազար դոլար:
Նշենք, որ նման նավ ստեղծելու աշխատանքները իրականացրել են ԱՄՆ պաշտպանության նախարարության հեռանկարային հետաազոտությունների վարչության մասնագետները: Նախագծի հեղինակ Սքոթ Լիթլֆիլդը նշել է, որ հետագայում այդ նավը հեռակառավարման կարիք չի ունենա, քանի որ այն կկարողանա ինքնակառավարվել:
