ԲՀԿ-ի «արգանդը» բավականին բեղուն է ու շատ քաղաքական կուսակցություններ կարող են ծնվել: Այս մասին մայիսի 3-ին մամուլի ասուլիսի ժամանակ ասել է «Բարգավաճ Հայաստան» խմբակցության պատգամավոր Լյովա Խաչատրյանը:
Անդրադառնալով ԲՀԿ նախկին անդամների կողմից նոր քաղաքական կուսակցությունների ստեղծմանը՝ Խաչատրյանը նշել է «Ես անտարբեր եմ դրա նկատմամբ: «Բարգավաճ Հայաստանը» այնքան մեծ է, որ եթե նրանից նոր կուսակցություններ ստեղծվեն, հիմքը միեւնույն է կմնա: Ես ողջունում եմ դա»: Այն հարցին, արդյոք ՀՀ նախկին արտգործնախարար Վարդան Օսկանյանի «Համախմբում» կուսակցությունը կզբաղեցնի ԲՀԿ-ի տեղը, Խաչատրյանը պատասխանել է. «Մենք ոչ թատրոնում ենք նստած, ոչ էլ սեղանի շուրջ: Կարծում եմ դա անհեթեթ է»:
