Լեռնային Ղարաբաղի հարցով բանակցային գործընթացը կասեցվել է ոչ Հայաստանի կամ Լեռնային Ղարաբաղի Հանրապետության մեղքով, այլ Ադրբեջանի։ Այս մասին մայիսի 3-ին կայացած մամուլի ասուլիսին ասել է ԱԺ նախկին պատգամավոր Հովհաննես Իգիթյանը։
Նրա խոսքով՝ այսօրվա դրությամբ ուղղակի անհեթեթ է խոսել, թե ինչ փաթեթի շուրջ պետք է կողմերը համաձայնության գալ։ «Առավել առաջնային է ադրբեջանին զսպելու ուղիներ գտնելը»,- նշել է Իգիթյանը եւ հավելել, որ Ադրբեջանը խախտել է բոլոր հնարավոր համաձայնագրերը, եւ հիմա բանակցությունները տեղ չունեն։
Ընդ որում, Իգիթյանն ընդգծել է բանակցային գործընթացում ԼՂՀ ակտիվ մասնակցության կարեւորությունը։