ABC ալիքի Լոս Անջելեսի ստորաբաժանման ABC 7 հեռուստաալիքի գլխավոր մենեջերը ափսոսանք է հայտնել Հայոց ցեղասպանությունը ժխտող դրվագ հեռարձակելու համար։ Այս մասին հայտնում է Asbarez-ը։
Շերիլ Քյունին Ֆեյրի խոսքով՝ հեռուստաալիքը ցավում է ռեպորտաժում հայտնված հարցազրույցի այն դրվագի համար, որում ժխտվում է Հայոց ցեղասպանությունը։ «Դա տարբերվում է պատմաբանների մեծամանության կարծիքից, որոնք կատարվածը ցեղասպանություն են համարում»,- ասել է նա։
Ավելի վաղ հեռուստաալիքը հայտնել էր, որ ընկերության օպերատորը, որը վիրավորել էր հայերին, այլեւս չի աշխատելու ընկերությունում։ Ընկերությունը ներողություն էր խնդրել տեսանյութի համար։
Նշենք, որ Ամերիկայի թուրքերի ասամբլեայի նախկին նախագահ Նուր Հոսթեթլերի հետ հարցազրույցը նկարահանած օպերատորը հայերին անվանել էր «ապուշներ» եւ «ավազակներ»։