Թուրքիայի Ուշաք քաղաքում քրդերեն խոսելու համար ազգայնականները դանակահարել են երկու քուրդ երիտասարդների։
Քրդական DIHA գործակալության փոխանցմամբ՝ Ուշաք քաղաքում շինարարության մեջ աշխատող 26-ամյա Էրեն Սոմերն ու 28-ամյա Ուֆուք Չելիքը քաղաքի կենտրոնական այգում իրար հետ քրդերեն են խոսել, ինչի համար ենթարկվել են 3 հոգու կողմից դանակներով հարձակման։
Ծանր վիրավորված երիտասարդներին տեղափոխել են հիվանդանոց, իսկ դանակահարողները ոստիկանություն տարվելուց հետո ազատ են արձակվել։
Այս փաստի առթիվ քրդական «Ժողովուրդների դեմոկրատական» կուսակցության պատգամավոր Մերալ Դանըշ Բեշթաշը գրավոր հարցադրում է ուղղել Արդարադատության նախարարին՝ պահանջելով պարզաբանել, թե ի՞նչպես կարելի է դիտավորյալ սպանության փորձ իրականացրած անձանց ազատ արձակել։