Մոսկվան բավարարված է նրանով , Սիրիայում հրադադարի ռեժիմին ընդդիմության նորանոր ջոկատներ են միանում եւ երկրում բռնության մակարդակը զգալիորեն նվազել է: Այս մասին հայտնել է Ռուսաստանի արտգործնախարար Սերգեյ Լավրովը, փոխանցում է «ՌԻԱ Նովոստին»:
«Ընդհանուր գնահատականով՝ բռնության մակարդակն իհարկե նվազել է: Մենք բավարարված ենք, որ մարտական գործողությունների դադարեցման ռեժիմին միանում են սիրիական ընդդիմության նորանոր ջոկատներ, որոնք մերժում են ահաբեկչական մեթոդները»,- ասել է Լավրովը ՄԱԿ-ի Սիրիայի հարցերով հատուկ դեսպան Ստաֆֆան դե Միստուրայի հետ համատեղ մամուլի ասուլիսի ժամանակ:
«Հաշտեցման հարցերով ռուսական կենտրոնի ջանքերով հրապարակված տվյալներով արդեն ավելի քան 90 բնակավայր հայտարարել է, որ միանում է հրադադարի ռեժիմին»,- նշել է Լավրովը: