Սիսիան-Գորիս ավտոճանապարհին դեռ շարունակվում են վերանորոգման աշխատանքները: NEWS.am-ի թղթակիցը հաղորդում է, որ այս պահին դեռեւս չեն ավարտել Ծղուտ գյուղի հատվածը:
Ճանապարհաշինարարները մեզ հետ զրույցում նշեցին որ աշխատանքների վերջնաժամկետն այսօր է եւ իրենք մինչեւ օրվա վերջ կավարտեն այն:
Հիշեցնենք որ Սիսիան-Գորիս ավտոճանապարհի շինարարական աշխատանքները սկսվել են ապրիլին, երբ հասարակությունը սկսեց բարձրաձայնել, որ Արցախ տանող ճանապարհն անմխիթար վիճակում է: Ի դեպ այս ճանապարհի վատթար վիճակի մասին իր ֆեյսբուքյան էջում գրել էր նաեւ ՀՀԿ-ական պատգամավոր Սամվել Ֆարմանյանը՝ նշելով. «Արցախից Երեւան ճանապարհվելիս` Գորիս-Վայք հավածում ճանապարհը, մեղմ ասած, խայտառակ վիճակում է: Այդ ճանապարհով նաեւ մեր վիրավորներին են տեղափոխել Երեւան: Չեմ ասում, որ այդ ամբողջ ընթացքում ականջդ տանում են ադրբեջանական ռադիոները: Նման անգործությունը չպետք է հանդուրժել: Ես մեր հերոս տղերքի պատգամը նաեւ այդպես եմ հասկանում»: