Իտալիայի Գերագույն վճռաբեկ դատարանի որոշմամբ՝ քաղցը հագեցնելու համար սննդամթերք գողանալն այլեւս այդ երկրում հանցագործություն չի համարվում, գրում է Daily Mail-ը։

Համապատասխան վճիռը կայացվել է գործազուրկ Ռոման Օստրյակովի գործի քննության արդյունքում, որին 2011-ին դատապարտել էին 6 ամսվա ազատազրկման եւ 100 դոլար տուգանքի Ջենովայի սուպերմարկետից 2 կտոր պանիր եւ նրբերշիկ գողանալու համար (գողոնի ընդհանուր արժեքը 4 եվրո էր)։

Օստրյակովը գողության էր դիմել սնվելու սուղ անհրաժեշտությունից ելնելով, ուստի նրա արարքը հանցագործություն չէ, որոշել է դատարանը։