Չեխիայի ՆԳՆ-ն անօրինական միգրացիային հակազդելու համար հատուկ ստորաբաժանում է ստեղծում: Այդ մասին չորեքշաբթի հայտնել է Պրահայի Právo թերթը:
Հատուկ ստորաբաժանումը ձեւավորվում է 181 ոստիկանից` օտարերկրացիների հարցերով ոստիկանության վարչությանը կից: Նոր ստորաբաժանման խնդիրն է ապահովել անվտանգությունը, հասարակական կարգը եւ չեխական սահմանները միգրացիոն ճգնաժամի սրման ժամանակաշրջանում: Հատուկ նշանակության ուժերը կտեղակայվեն Պրահայում, Բռնոյում (Հարավային Մորավիա), Օստրավայում (Հյուսիսային Մորավիա) եւ Պարդուբիցայում (Արեւելյան Չեխիա):
Հատուկ ստորաբաժանման ջոկատները կարող են ուղարկվել ԵՄ-ի անդամ այլ պետություններ, մասնավորապես, Շենգենի գոտու արտաքին սահմանները պաշտպանելու, հայտնում է ՏԱՍՍ-ը: