Հայաստանում մայիսը տեղումնառատ կլինի: Այս մասին այսօր՝ մայիսի 4-ին, լրագրողների հետ հանդիպմանն ասաց ՀՀ ԱԻՆ Հիդրոմետ ծառայության օդերեւութաբանության կենտրոնի պետ Զարուհի Պետրոսյանը:
«Մայիսի առաջին տասնօրյակում անձրեւների հավանականությունը կպահպանվի: Մինչեւ ամսի 8-ը տեղումներ են սպասվում, իսկ մայիսի 9-ին, արդեն հանրապետության կենտրոնական հատվածներում տեղումները կթուլանան»,-ասաց նա՝ նշելով, որ հնարավոր է՝ որոշ մարզերում կարկուտ տեղա:
Զարուհի Պետրոսյան խոսքով՝ օդի ջերմաստիճանը նորմային մոտ կլինի: «Արարատյան դաշտում միջին ամսական ջերմաստիճանը լինելու է 18 աստիճան: Շիրակի, Կոտայքի, Արագածոտնի, Գեղարքունիքի մարզերում ամսական միջին ջերմաստիճանը կլինի 9-12 աստիճան: Լոռիում՝ 12-13, Տավուշում՝ 13-16, Վայոց ձորում՝ 18, իսկ Սյունիքում 20»,- նշեց նա: Զարուհի Պետրոսյանը վստահեցրեց, որ անձրեւները համատարած չեն լինի եւ գյուղատնտեսությանը վնաս չի լինի:
