Բավարիայի տեղական խորհրդարանը՝ լանդթագը, մայիսի 10-ին լիագումար նիստում կքննարկի «Հիտլեր. Մայն Քամփֆ. Քննադատական հրատարակչություն» գիրքը դպրոցական ծրագրում ընդգրկելու հարցը։ Այս մասին «ՌԻԱ Նովոստի»-ին հայտնել է խորհրդարանի մամուլի ծառայության ներկայացուցիչը։
Համապատասխան հայցերը ներկայացրել են Սոցիալ-դեմոկրատական կուսակցություն եւ «Ազատ ընտրողներ» դաշնային միավորում խմբակցությունները։
«Քանի որ քննարկումը լինելու է լիագումար նիստում, այն կավարտվի քվեարկությամբ»,- ասել է լանդթագի ներկայացուցիչը՝ հավելելով, որ դրական քվեարկության դեպքում նախաձեռնողները պահանջում են, որ Բավարիայի կառավարությունն այդ թեմայով զեկույցներ պատրաստի խորհրդարանական հանձնաժողովներում։