«Ջաբհաթ ան Նուսրա» ահաբեկչական խմբավորման գրոհայինները շարունակում են սադրանքները, որոնք ուղղված են Լաթաքիայի նահանգում եւ Հալեպում «լռության ռեժիմը» տապալելուն։ Այս մասին ասել է ՌԴ ՊՆ մամուլի ծառայության պետ Իգոր Կոնաշենկովը, փոխանցում է «ՌԻԱ Նովոստի»-ն։
«Ջաբհաթ ան Նուսրա»-ի գրոհներից եւ բնակելի թաղամասերի վրա արձակած կրակից խաղաղ բնակիչներ են զոհվել, Հալեպում «լռության ռեժիմը» տապալվել է»,- ասել է նա։
Կոնաշենկովը նշել է, որ Ռուսաստանն ու ԱՄՆ-ը Սիրիայի ղեկավարության եւ չափավոր ընդդիմության հետ համաձայնությամբ նախօրեին պլանավորում էին 24 ժամով Հալեպում եւ արվարձաններում «լռության ռեժիմ» հաստատել, հետագայում եւս 2 օրով երկարաձգելու համար։
