ԱՄՆ-ի ցամաքային ուժերը ռոտացիայի հիման վրա, թվով 260 զինվորական, այս շաբաթ ծառայության են անցել Լիտվայում, հայտնում է Լիտվայի Պաշտպանության նախարարությունը, հաղորդում է «ՌԻԱ Նովոստին»:
«ԱՄՆ-ի նոր ռոտացիոն հերթափոխը, մոտ 260 զինվորական, տեղակայված է Ռուկլայի «Երկաթյա գայլ» մեխանիզացված, հետեւակ գումարտակում, հայտնում է Լիտվայի պաշտպանական գերատեսչությունը:
Սա ԱՄՆ-ի ռոտացիոն ուժերի թվով արդեն տասներորդ զորակազմն է, հավելում են պաշտպանության նախարարությունից:
Բալթիայի երկրներում եւ Լեհաստանում ԱՄՆ-ի ցամաքային ուժերը 2014-ի գարունից ռոտացիա են իրականացնում` կատարելով ԱՄՆ-ի ցամաքային ուժերի «Ատլանտյան վճռականություն» (Operation Atantic Resolve) գործողությունը: ԱՄՆ-ի զորքը ներառված է Ռուկլայում «Երկաթյա գայլ» հետեւակային մեխանիզացված գումարտակի կազմում: Այստեղ է նաեւ ռազմական տեխնիկան` Stryker զրահակիրները, զրահապատ ամենագնացները եւ բեռնատարները: Բացի այդ, Լիտվայի ուսումնավարժանքներին մասնակցել են ռազմական ստորաբաժանումներ Բելգիայից, Դանիայից, Լյուքսեմբուրգից, Հունգարիայից եւ Գերմանիայից: