ՀՀ բարձրաստիճան 3 զինվորականների պաշտոնանկությունը միտված են կառավարման համակարգը ավելի բարելավելուն: Այս մասին այսօր՝ մայիսի 4-ին, լրագրողների հետ զրույցում ասաց ՀՀ Պնախարար Սեյրան Օհանյանը:
«Պահի հետ կապ ունեն անկասկած եւ միտված են ընդհանուր առմամբ մեր կառավարման համակարգը ավելի բարելավելուն»,- ասաց Սեյրան Օհանյանը:
NEWS.am-ի հարցին՝ ինչու նրանք քրեական պատասխանատվության չեն ենթարկվում, եթե պատերազմի ընթացքում թույլ են տվել բացթողումներ, նախարարը պատասխանեց, որ նրանք քրեական պատասխանատվության չեն ենթարկվի, որովհետեւ նրանց գործունեությունը քրեական պատասխանատվության ենթարկելու չէ:
«Բանակում քրեական գործերը հարուցվում են իրավապահ մարմինների վերահսկողության ներքո, համապատասխան հետաքննությունների անցկացման շրջանակներում: Այդ գործունեությունը համակարգված է: Բանակում էլ, ինչպես մնացած կառույցներում, կան հարուցված բազմաթիվ քրեական գործեր, որոնց ավարտից հետո համապատասխան հետեւություններ կատարվում են: Ինչ վերաբերում է նրանց գործունեությանը, պետք է ասեմ հետեւյալը՝ պաշտպանության բանակը Լեռնային Ղարաբաղի հանրապետության տարածքում իր առջեւ դրված խնդիրը լիարժեք կատարել է, հասել է հաջողության, հակառակորդին զրկել է մարտավարական առավելություններից: Բանակն այն կառույցը չէ, որ կարելի է ասել՝ համապատասխան միջոցառումներ ինքնուրույն չի ձեռնարկել բացասական երեւույթների դեմ պայքարի շրջանակում»,- ասաց նա: