«Իսմալական պետության» զինյալները կարող են ԱՄՆ-ում անսպասելի ահաբեկչություններ իրականացնել՝ Փարիզի եւ Բրյուսելի հարձակումների նման: Այս մասին մայիսի 4-ին CNN-ին տված հարցազրույցում հայտարարել է ԱՄՆ Ազգային հետախուզության տնօրեն Ջեյմս Քլեփերը:
Նրա համոզմամբ, նրանք իսկապես դրա համար ներուժ ունեն: «Մենք անհանգստացած են այն առիթով, որ նրանք կարող են նույնպիսի անսպասելի հարձակումներ իրականացնել ԱՄՆ-ում, ինչպես դա արեցին Փարիզում եւ Բրյուսելում»,- հայտարարել է Քլեփերը:
Ամերիկյան հետախուզության ղեկավարի խոսքով, ԻՊ-ի ահաբեկիչները կա՛մ կփորձեն երկիր ներթափանցել, կա՛մ այդ գործում կներգրավեն արդեն ԱՄՆ-ում գտնվողներին:
Քլեփերի կարծիքով, ԻՊ-ի ղեկավարությունը հազիվ թե կոնկրետ թիրախների ուղղությամբ հարված հասցնելու հրահանգ տա: «Դա ակնհայտորեն նրանց գործելաոճը չէ: Նրանք ռազմավարական հրահանգներ են տալիս, իսկ տեղական բջջի ղեկավարն արդեն ընտրում է, թե ինչպես հասնել նպատակին»,- ամերիկյան պաշտոնյայի խոսքերն է մեջբերում ՌԻԱ Նովոստին: