Լեռնային Ղարաբաղի հարցով նոր հանդիպում է ծրագրվում: Այս մասին ՌԻԱ Նովոստիին տված հարցազրույցում հայտարարել է ՌԴ ԱԳ նախարար Սերգեյ Լավրովը:
Հարցին, արդյո՞ք առաջիկայում որեւէ նոր հանդիպումներ են նախատեսվում, ռուսական ԱԳՆ ղեկավարը պատասխանել է. «Ծրագրում ենք, քանի որ հարցը մեծ ուշադրություն է պահանջում: Կարծում եմ՝ առաջիկայում կհամաձայնեցնենք նոր շփման հարցը»:
Անդրադառնալով հարցին, կարո՞ղ են եռակողմ հանդիպումներ լինել, թե՞ ծրագրվում են միայն երկկողմ մակարդակով, Լավրովն ընդգծել է. «Բնականաբար՝ եռանախագահների եւ կողմերի մասնակցությամբ, քանի որ այդ աշխատանքը կոլեկտիվ ձեւաչափ է պահանջում»: