Ղարաբաղյան հակամարտության կողմերի միջեւ քննարկվող հայտնի գաղափարները կարելի է ձեւակերպել փաստաթղթում, որն ընդունելի կլինի բոլոր կողմերի համար: Այս մասին ՌԻԱ Նովոստինն տված հարցազրույցում հայտարարել է Ռուսաստանի ԱԳ նախարար Սերգեյ Լավրովը:
Նրա խոսքով, իհարկե, ամենակարեւորը խնդիրը զոհերից խուսափելն է, հրադադարի ցանկացած խախտումը կանխելը, դրա համար գործուն միջոցներ եւ մեխանիզմներ մշակելը:
«Դրա տակ Հայաստանի եւ Ադրբեջանի նախագահները ստորագրել են դեռեւս 5 տաիր առաջ, երբ մեր նախագահը (այն ժամանակ՝ Դմիտրի Մեդվեդեւը) հավաքեց նրանց: Նրանց արտահայտվեցին միջադեպերի հետաքննության մեխանիզմի ստեղծման, վստահության ամրապնդման օգտին, ԵԱՀԿ-ին հանձնարարեցին զբաղվել այդ հարցով: Բայց այդ փուլում, ցավոք, 2012 թվականին այդ գործն առաջ չգնաց: Հիմա մենք ուզում ենք, որպեսզի կողմերը վերադառնան դրան»,- նշել է Լավրովը:
Նա հիշեցրել է, որ կան հայտնի գաղափարներ, որոնք քննարկվել են կողմերի միջեւ: «Նախկինի պես վստահ եմ, որ նրանց համար դժվար է, բայց կարելի է փաստաթղթեր ձեւավորել, որոնք ընդունելի կլինեն բոլոր կողմերի համար»,- ամփոփել է Սերգեյ Լավրովը: