Թբիլիսիի հայերի ասամբլեան աշխատում է Վրաստանում ապրող հայերին Վրաստանի ներքին քաղաքական կյանքին մասնակից դարձնելու ուղղությամբ: NEWS.am-ի հետ զրույցում Թբիլիսիի հայերի ասամբլեայի ղեկավար Առնոլդ Ստեփանյանը նշեց, որ այժմ տարբեր կուսակցույթունների հետ աշխատանքներ են տարվում, որպեսզի Վրաստանի ազգային փոքրամասնությունների ներկայացուցիչները եւս կարողանան ընդգրկվել տարբեր կուսակցույթուններում եւ մասնակցել երկրի ներքին քաղաքական կյանքին:
«Վրաստանում ապրող հայերը չեն կարողանում երկրում լավ, պրեստիժ տեղեր զբաղեցնել, որովհետեւ չեն մասնակցում երկրի ներքին քաղաքական կյանքին: Թբիլիսիում ապրող հայը շատ լավ տիրապետում է լեզվին, սակայն, չի մասնակցում քաղաքական գործընթացներին, խնդիրն այստեղ այն է, որ երկրի ազգային փոքրամասնություններն հիմնականում ընդգրկված չեն կուսակցություններում: Այժմ կուսակցությունների հետ ենք սկսում աշխատել, որպեսզի փոքրամասնությունների շրջանակների մեջ մտնեն, ակտիվացնեն կապը նրանց հետ, որպեսզի հայերը եւս կարողանան այդ կուսակցությունների անդաներ դառնալ, հետագայում էլ լավ պաշտոններ զբաղեցնել»,-ասաց նա: