Ֆլորիդայի համալսարանի ամերիկացի ուսանողներն առաջին անգամ մտքի ուժով կառավարվող դրոնների մարցարշավ են անցկացրել:
Արժե նշել, որ անցած միջոցառման տեսանյութը հրապարակել են YouTube-ում բուհի պաշտոնական ալիքում: Միայն առաջին 6 օրվա ընթացքում տեսանյութն ավելի քան 40 000 դիտում է հավաքել:
Ինչպես հայտնի է, մրցության մասնակիցները նեյրոհամակարգչային ինտերֆեյս են օգտագործել: Տվյալ համակարգի օգնությամբ նրանք տվյալներն ուղեղից փոխանցել են էլեկտրոնային սարքին:
Ֆլորիդայի համալսարանի ներկայացուցիչներն ընդգծել են, որ այդ մրցարշավը երիտասարդությանն այս ոլորտում հետագա բացահայտումների է մղում: Այսպես, նրանք ենթադրում են, որ ապագայում կուսումնասիրվեն նաեւ ոչ ինվազիվ նեյրոինտերֆեյսով համակարգիչները, հայտնում է Informing-ը:
Նեյրոհամակարգչային ինտերֆեյսը համակարգ է, որը ստեղծվել է ուղեղի եւ էլեկտրոնային սարքի (օրինակ` համակարգչի) միջեւ տեղեկությունների փոխանակման համար: