Մեծ Բրիտանիայի կառավարությունը մտադիր է լրացուցիչ զորք ուղարկել Իրաք ԻՊ ահաբեկչական խմբավորման դեմ ակտիվ պայքարի համար։ Այս մասին հայտնել է երկրի պաշտպանության նախարար Մայքլ Ֆելոնը Գերմանիայում գործընկերների հետ հանդիպման ժամանակ, հայտնում է The Mirror-ը։
Ֆելոնը հայտնել է, որ օգնությունն ուղարկվելու է քրդական փեշմերգայի մարտիկներին։
«Եկել է ժամանակը ամրապնդել վերջին հաջողությունը, մենք մտածում ենք, թե ուրիշ ինչ կարող ենք անել»,- ընդգծել է նախարարը։
Պարբերականի տեղեկություններով՝ կոալիցիայի օդային հարվածներն արդեն օգնել են կրճատել Սիրիայում եւ Իրաքում գրոհայինների թիվը՝ հասցնելով վերջին 2 տարվա ամենացածր մակարդակի։