Եգիպտոսի ուժային կառույցների աշխաատկիցները ազատել են սաուդցի գործարարին, որին անհայտ անձինք առեւանգել էին Կահիրեի մոտ շուրջ տասը օր առաջ, հայտնում է «Ալ Յաում աս Սաբիան»:
Մրգերի առեւտրով զբաղվող 69-ամյա ձեռներեցին առեւանգել էին Կահիրե – Իսմաիլիա մայրուղու վրա, ապրիլի 26-ին: Անհայտ անձինք կանգնեցրել էին նրա մեքենան, ստիպել որ նա վարորդի հետ միասին դուրս գա մեքենայից, որից հետո տարել են անհայտ ուղղությամբ: Ստացված տեղեկություններով, հանցագործները մտադիր էին հարուստ պատանդի համար փրկագին ստանալ:
Իրավապահ մարմինների տվյալներով հինգշաբթի առավոտյան առեւանգողները իրենց պատանդներին թողել են այն մայրուղու որը, որը մայրաքաղաքը միացնում է Սուեց քաղաքին ու փախուստի դիմել: Ուժայինները հայտնում են, որ պատանդներին հնարավոր է դարձել ազատել այն ճնշման շնորհիվ, որը գործադրվել է չարագործների վրա, ինչի հետեւանքով նրանք տեղի են տվել:
Այս պահին գործարարը անվտանգ վայրում է, ու նրա կյանքին ոչինչ չի սպառնում: Դեռ հայտնի չէ՝ արդյոք նրա համար փրկագին վճարվել է: