Մայիսի 2-ից անհետ կորած՝ Լոռու մարզի Շնող գյուղի 56-ամյա բնակի Գառնիկ Պետրոսյանին գյուղացիները վերջին անգամ տեսել են Շնողի մուտքի մոտ՝ ալկոհոլի ազդեցության տակ: Այս մասին NEWS.am-ին ասաց Շնողի գյուղապետ Հովիկ Սահակյանը:
«Մոր հետ էր ապրում, մայրը մահացել է օրեր առաջ: Կիրակի հուղարկավորել են, ինքնահողի օրը ինքը դուրս ա եկել երեկոյան ու գնացել: Գյուղի ծայրին տեսնողներ են եղել, օրորվելով գնացել ա»,- ասաց գյուղապետը:
Գառնիկ Պետրոսյանն ամուսնացած է եղել, ունեցել է երեխաներ, որոնք մահացած են: Նրա որոնողական աշխատանքները դեռ շարունակվում են:
Նշենք, որ նախորդ օրը որոնողական աշխատանքները ընդհատվել էին, առավոտյան վերսկսվել: Փրկարարները նրան այսօր փնտրում էին Մ-6 միջպետական ճանապարհի Ալավերդի-Բագրատաշեն հատվածի 21-րդ կմ-ից Դեբեդ գետի երկայնքով: