Երեւանում «Դվին» հյուրանոցի փոխարեն 2019-ին պլանավորվում է 5-աստղանի հյուրանոց կառուցել եւ ուղղաթիռի հարթակով բնակելի համալիր։ «Դվին» հյուրանոցային համալիրի ներդրումային ծրագիրը հավանություն է ստացել մայիսի 5-ին Կառավարության նիստում։
Ծրագրի ընդհանուր բյուջեն կկազմի մոտ 120.6 մլն դոլար։ Դրանցից նախկին հյուրանոցի շենքի ակտիվները գնահատվում են 35.5 մլն դոլար։
Ներդրողը նույնն է մնալու՝ «CCG Կովկասյան Կոմունիկացիոն Խումբ Ընկերությունը», որը գրանցված է կիպրոսյան օֆշորում։
Կից սուբյեկտներից բացի (բիզնես եւ կոնֆերենց-կենտրոն, ռեստորաններ եւ այլն) համալիրը կունենա կազինո։