Նոր Զելանդիայում դանիացի զբոսաշրջիկ Ռասմուս Նիլսոնին 10 հազար դոլարով տուգանել են հազվագյուտ բադի սպանության համար, հայտնում է Gazeta-ն` վկայակոչելով Stuff.co.nz-ը:
24-ամյա Նիլսոնը երկիր է եկել երեք ամսով: Նա Հարավային Վեստլենդում որսի է մեկնել եւ հրազենով սպանել է կապույտ վայո բադի, որին սովորական բադի տեղ է դրել:
Զբոսաշրջիկին մեղավոր են ճանաչել վայրի կենդանական աշխարհի պահպանվող տեսակի առանց համապատասխան թույլտվության սպանության համար:
Նիլսոնն իրեն «մեծ հիմար» է կոչել: Այժմ նա ստիպված կլինի ծնողներից պարտքով փող վերցնել տուգանքը վճարելու համար: Պնդում են, որ դանիացուն տարիներ անհրաժեշտ կլինեն պարտքը հորը եւ մորը վերադարձնելու համար: