Հայաստանում ուզում են վերացնել մաքսանենգության համար քրեական պատիժը ու այն փոխարինել վարչականով: «Հարկերի մասին» օրենքում համապատասխան փոփոխությունների նախագիծը ուղեկից օրինագծերի հետ միասին ներկայացվել է Կառավարության մայիսի 5-ի նիստի ժամանակ:
Ընդ որում ըստ նախատեսվող փոփոխությունների՝ քրեորեն պատժելի չեն լինի ոչ միայն ոչ միտումնավոր սխալները հայտագրերում, այլեւ միտումնավոր խախտումները, այդ թվում ներմուծումը՝ մաքսային հսկողության կանոնների շրջանցումով: Այդ դեպքերի համար առաջարկվում է վարչական պատասխանատվության ենթարկել: Ու միայն եթե սուբյեկտները հրաժարվեն փոխհատուցել պետության վնասը, կկիրառվի քրեական պատիժ ( ՔՕ 205 հոդված):
Միեւնույն ժամանակ քրեական պատիժը, ինչպես եւ հիմա, գործելու է, եթե խախտումները կապակցված լինեն թմրանյութերի, զենքի, ռադիոակտիվ նյութերի ներմուծման հետ, նաեւ թույլատրելի սահմանները գերազանցող կանխիկ գումարի ներկրման դեպքում: