Seabreeze Partners Management հեջ ֆոնդի ղեկավար Դագ Քասը պահանջել է Apple-ի գլխավոր տնօրեն Թիմ Քուքի հրաժարականը։ Այս մասին հայտնում է PhoneArena-ն։
Քասը պնդում է, որ քանի դեռ ընկերությունը ղեկավարում է Քուքը, այն երբեք չի կրկնի iPhone 6-ի հաջողությունները։ Նրա խոսքով՝ ընկերությանը Սթիվ Ջոբսի նման երազող է պետք։ Քասից բացի, Թիմ Քուքի դեմ է արտահայտվել նաեւ վերլուծաբան Բոբ Դեֆսելթցը։ Նա նաեւ վստահ է, որ Apple-ը այնպիսի մարդու կարիք ունի, որը կարող է նայել դեպի ապագա։
«Թիմ Քուքը պետք է վերադառնա նրան, ինչը նրա մոտ ամենից լավ էր ստացվում, այսինքն՝ մատակարարումների շղթաների վերահսկմանը։ Պատմության մեջ շատ են դեպքերը, երբ այսօր դոմինանտ ընկերությունը կարող է վաղը հայտնվել լուսանցքային կարգավիճակում»,-ասել է Լեֆսելթցը։