Ադրբեջանում Մեծ Բրիտանիայի արտակարգ եւ լիազոր դեսպան Իրֆան Սիդդիքի հարցազրույցից մեջբերումը սխալ է։ Այ մասին NEWS.am –ին հայտնել են Հայաստանում Մեծ Բրիտանիայի դեսպանատնից՝ անդրադառնալով ադրբեջանական լրատվամիջոցներից մեկին բրիտանացի դիվանագետի տված հարցազրույցին։
Նշենք, որ ԱՊԱ գործակալության փոխանցմամբ, Ադրբեջանում Մեծ Բրիտանիայի դեսպանը մասնավորապես ասել էր. «Եթե մտածենք, թե ինչու հայկական կողմն այդպես չի ցանկանում վերադառնալ բանակցությունների սեղանին, ապա կարծում եմ, որ դա պայմանավորված է վերջին մի քանի շաբաթում շփման գծում տեղի ունեցած ռազմական բախումներով»։
Հայաստանում Մեծ Բրիտանիայի դեսպանատան հաղորդագրության համաձայն՝ դեսպան Սիդդիքը նկատի է ունեցել հետեւյալը. պատճառը, թե ինչու Հայաստանը հետաքրքրված չէ Ադրբեջանին տարածքներ վերադարձնելու մեջ, ռազմական հռետորաբանությունն է եւ վերջին ժամանակներս տեղի ունեցած բախումները, որոնք ամրապնդել են անապահովության զգացումը։