Մեծ Բրիտանիայում Օլիվեր անունով գեր կատուն կորցրել է ավելորդ քաշի մեկ երրորդը: Այս մասին գրում է Gazeta-ն՝ վկայակոչելով The Mirror-ը:
Կատվին Կենդանիների պաշտպանության թագավորական ընկերակցություն են (RSPCA) բերել, քանի որ կենդանին առողջության հետ կապված խնդիրներ է ունեցել, իսկ տարեց տիրուհին չի կարողացել հավուր պատշաճի խնամել նրան: Օլիվերը շուրջ 10 կգ է կշռել, ինչը նորմայից երկու անգամ ավելի է:
Մարզանքի եւ ցածր կալորիականությամբ սննդի շնորհիվ կատուն 2.7 կգ նիհարել է: Օլիվերը կենտրոնում նաեւ ականջի վիրահատության է ենթարկվել:
Ներկայում կատվի համար տեր են փնտրում: Նշվում է, որ Օլիվերը համառորեն աշխատել է նիհարելու ուղղությամբ եւ արժանի է նոր տուն ունենալ:
