ԱՄՆ հույս ունի, որ Թուրքիան կհետեւի մարդու իրավունքների եւ մամուլի ազատության պաշտպանության սկզբունքներին: Այս մասին հայտարարել է Սպիտակ տան մամուլի խոսնակ Ջոշ Էռնեստը՝ հավելելով, որ համապատասխան քննարկումներն ԱՄՆ-ի եւ Թուրքիայի միջեւ շարունակվում են:
«Մենք կենտրոնացած ենք մեր դաշնակցի հետ արդյունավետ համագործակցության ուղղությամբ՝ ԻՊ-ին թուլացնելու եւ վերջնականապես ոչնչացնելու համար, բայց դա մեզ չի խանգարում մեր մտահոգությունը կամ նույնիսկ ուղղակի առարկությունը հայտնել այն առնչությամբ, թե Թուրքիայի կառավարությունն ինչպես է հետեւում սահմանադրությամբ ամրագրված ժողովրդավարական արժեքներին»,- հայտարարել է Էռնեստը:
Ըստ ՌԻԱ Նովոստիի, նա նշել է, որ հեռացող վարչապետն ԱՄՆ-ի «լավ գործընկերն էր»: