Երեւանի «Կազիրոկ» սրճարանում մայիսի 5-ին, տեղի է ունեցել ծեծկռտուք, որի ժամանակ ծեծի է ենթարկվել «Ալֆա Դելտա» անվտանգության ծառայության աշխատակից Գարիկ Ալեքսանյանը:
Դեպքի պահին Գարիկ Ալեքսանյանը նշված սրճարանում աշխատելիս է եղել, այնուհետեւ, երբ նստել է մեքենա՝ ինչ-որ անձինք հարձակվել են նրա վրա եւ ծեծի ենթարկել:
NEWS.am-ին ոստիկանությունից տեղեկացրին, որ դեպքի հանգամանքները պարզելու համար կատարվում է քննություն:
Shamshyan.com-ի փոխանցմամբ, Գարիկ Ալեքսանյանը ծառայություն իրականացնելիս է եղել նշված սրճարանում և մի պահ նստել է իր ավտոմեքենան, որից հետո, ըստ նրա հայտարարության, BMW մակնիշի ավտոմեքենայով իրեն է մոտեցել ոմն Վլադիմիր Վարդանովն իր ընկերների հետ եւ սկսել իր ու իր ընտանիքի հասցեին հայհոյանքներ տալ, որից հետո հարձակվել է իր վրա ու ծեծի ենթարկել: