Կոլումբիայի իշխանությունները հրամայել են պետության ամբողջ ուժն օգտագործել ավազակային խմբավորումների դեմ պայքարելու համար, այդ թվում հարձակումներ իրականացնել օդից։ Այս մասին հայտնել է պաշտպանության նախարար Լուիս Կառլոս Վիլյեգասը, փոխանցում է «ՌԻԱ Նովոստի»-ն։
«Համար 15 հրամանը թույլ է տալիս օգտագործել պետության ամբողջ ուժերը զինված խմբավորումների դեմ պայքարելու համար, որոնք առավել թշնամական ներուժ ունեն»,- մեջբերում է Noticias MVS-ը նախարարի խոսքը։
Հանցագործ խմբերի դեմ պայքարի նոր մարտավարությունը ուժի մեջ է մտնում մայիսի 5-ին եւ կիրառվելու է այնպիսի խմբերի դեմ, ինչպիսիք են «Ուսուգայի կլանը», «Լոս Պելյուսոսը» եւ «Լոս Պունտիլյերոսը»։
