BP բրիտանական նավթային հսկան պլանավորում է այս ամռանն Իրանում ստորաբաժանում բացել, գրում է The Wall Street Journal-ը։
Իրանի ազգային նավթային ընկերության ղեկավար Ռոքնեդին Ջավադիի խոսքով՝ BP-ն պլանավորում է տեխնոլոգիաներ եւ ներդրումներ բերել Իրան։ Բրիտանական ընկերությունից այս որոշումը չեն մեկնաբանել։
WSJ-ն նշում է, որ BP-ի ղեկավար Բոբ Դադլին մինչեւ այդ զգուշորեն էր մոտենում Իրանում ներդրումներին։ Իր վերջին ելույթում նա ասել էր, որ իր ընկերությունը հանգամանորեն կընտրի հնարավորությունները։
Իրան վերադառնալու քայլեր կատարող մյուս նավթային ընկերությունների թվում են ավստրիական OMV-ն եւ ֆրանսիական Total SA-ն, գրում է թերթը։