Գյումրիում Ավետիսյանների սպանության գործով դատական նիստը, «ավանդույթի» համաձայն, ուշանում է։ Թեպետ նիստը նշանակված էր ժամը 12-ին, սական դատարանի դահլիճում չեն ո՛չ մեղադրյալը, ո՛չ փաստաբանները, ո՛չ դատավորը։
Հիշեցնենք, որ նախորդ նիստում Վալերի Պերմյակովը հրաժարվել էր ցուցմունք տալ դատարանում, այդ իսկ պատճառով դատական մի քանի նիստերի ընթացքում հրապարակվել են հայ ու ռուս քննիչների հարցաքննությունները:
Մեղադրական եզրակացության համաձայն՝ 2015-ի հունվարի 12-ին Գյումրիի ռուսական ռազմակայանի զինծառայող Վալերի Պերմյակովը մտել է Ավետիսյանների ընտանիքի տուն ու սպանել տան բնակիչներ Աիդա Ավետիսյանին, Հասմիկ Ավետիսյանին, Սերյոժա Ավետիսյանին, Արմեն Ավետիսյանին, Արաքսյա Պողոսյանին ու փոքրիկ Հասմիկ Ավետիսյանին: Հետո նա դանակով հինգ հարված է հասցրել 6-ամսական Սերյոժա Ավետիսյանին: Յոթ օր անց երեխան մահացել էր հիվանդանոցում:
