Մենք ունենք բավարար քանակի զինտեխնիկա, որ կարողանանք թշնամու ատամները ջարդել: Այս մասին, այսօր՝ մայիսի 6-ին, լրագրողների հետ հանդիպման ժամանակ նշել է ՀՀԿ խմբակցության պատգամավոր Սամվել Նիկոյանը:
Նրա խոսքով, եթե մինչև հիմա միջնորդ երկրները կարծում էին, որ չպետք է թույլ տրվի, որ ռազմական բախում տեղի ունենա, որովհետև բոլորի մոտ մտավախություն կար, որ Ադրբեջանը ռազմական ճանապարհով կլուծի հարցը, հիմա բոլորը հասկացան, որ նման բան հնարավոր չէ:
«Միջնորդ երկրները համարում էին, որ Հայաստանը կամ Արցախը դիմելու է իրենց, խնդրելու, աղաչելու է, եկեք օգնեք, փրկեք, բայց այդպես չեղավ: Սահմանը շարունակում է պահել հայ զինվորը, ոչ թե խաղաղարար ուժերը, և, ըստ էության, մեր բանակը հզոր երկրների և այլ պետությունների խաղաքարտերը խառնել է»,-ընդգծել է Նիկոյանը:
ՀՀԿ-ական պատգամավորը նշել է, որ հայկական կողմը բանակցություններում ունի դիրքորոշման կոշտացում: