Թուրքիայի ներքին խնդիրները երբեմն բավական սուր դրսեւորում են ստանում։ Այս մասին մայիսի 6-ին՝ մամուլի ասուլիսի ժամանակ, ասել է Ստամբուլում «Ժամանակ» հայկական թերթի խմբագիր Արա Գոչունյանը։
Նրա խոսքով՝ վերջին ժամանակներս Թուրքիայում իշխող «Արդարություն եւ զարգացում» կուսակցությունում հետաքրքիր իրադարձություններ են զարգանում։ «Կուսակցության շարքերում բազմաթիվ մարդիկ կան, որոնք հիմնել են այդ կուսակցությունը եւ մեծ կշիռ ունեն։ Օրինակ՝ Թուրքիայի նախկին նախագահ Աբդուլլահ Գյուլը։ Հիմա կուսակցությունում կլինի մեկ նախկին նախագահ եւ մեկ նախկին վարչապետ՝ ի դեմս Ահմեդ Դավութօղլուի, եւս 2 նախկին նախարար, որոնք ուժեղ են։ Պարզ է, որ կուսակցության ներսում ժամանակ առ ժամանակ որոշ հարցեր են բարձրանում,»,- նշել է Գոչունյանը։
Հիշեցնենք, որ մայիսի 5-ին Դավութօղլուն հայտնել էր, որ չի պատրաստվում մասնակցել կուսակցության նոր ղեկավարի ընտրություններին եւ լքում է Թուրքիայի վարչապետի պաշտոնը։
