Թուրքիայի վարչապետ Ահմեդ Դավութօղլուի հրաժարականը չի ազդի այնտեղ ապրող հայկական համայնքի վրա ո՛չ դրական, ո՛չ էլ բացասական ձեւով: Այս մասին մայիսի 6-ին մամուլի ասուլիսի ժամանակ հայտարարել է Ստամբուլում հայկական «Ժամանակ» թերթի խմբագիր Արա Գոչունյանը:
Նրա խոսքով Թուրքիայում ճգնաժամ չկա: «Երկրում ընդամենը որոշակի անհատներ են փոխվում: Կա քաղաքական գիծ, որի հիման վրա այդ քայլերը կատարվում են»,- շեշտել է Արա Գոչունյանը:
Մայիսի 5-ին Թուրքիայի վարչապետ Ահմեդ Դավութօղլուն հայտնել է, որ չի մասնակցելու «Արդարություն ու զարգացում» իշխող կուսակցության ղեկավարի պաշտոնի նոր ընտրություններին: Դավութօղլուն նշել է, որ կշարունակի կատարել իր պարտականությունները որպես Կոնիայի պատգամավոր, որից հետո կլքի վարչապետի պաշտոնը: