Լեռնային Ղարաբաղի ճանաչումը այն միջազգային իրավունքի սուբյեկտ կդարձնի։ Այս մասին մայիսի 6-ին լրագրողներին ասել է «Ժառանգություն» կուսակցության փոխնախագահ Արմեն Մարտիրոսյանը՝ մեկնաբանելով Զարուհի Փոստանջյանի եւ Հրանտ Բագրատյանի ներկայացրած օրինագիծը Հայաստանի կողմից ԼՂՀ անկախության ճանաչման վերաբերյալ։ «Եթե միջազգային բանակցությունները շարունակվեին ճանաչված Ղարաբաղի իրողությամբ, Հայաստանը կարող էր ավելի ակտիվ տնտեսական եւ ռազմական քաղաքականություն վարել։ Այս տարիներին արդեն եղել են ԼՂՀ անկախությունը ճանաչած երկրներ»,- ասաց Մարտիրոսյանը։
Դրան ի պատասխան՝ ՀՀԿ պատգամավոր Խոսրով Հարությունյանը հակաճառեց, որ անհրաժեշտ է առաջնորդվել նրանով, թե կօգնի արդյոք դա բանակցային գործընթացին։ «Սկզբում պետք է պատասխանենք ինքներս մեզ, թե պե՞տք է արդյոք քայլեր ձեռնարկենք, որոնք հակառակորդի խելացի վարվելու դեպքում կարող են հանգեցնել բանակցություններում առաջընթացի։ Անգամ եթե նման պահվածք չենք նկատում։ Անհրաժեշտ է արդյոք քայլեր ձեռնարկել, որոնք կարող են հանգեցնել բանակցությունների տապալմանը։ Եթե Հայաստանը ճանաչի Լեռնային Ղարաբաղը, Ադրբեջանը բանակցությունները շարունակելու խթան կունենա՞»,- ասել է Հարությունյանը։
«Իհարկե»,- ասաց Մարտիրոսյանը։
«Ինչպիսի՞»,- հարց հղեց Հարությունյանը։
