Մայիսի 5-ին, ժամը 18.50-ին, ոստիկանության Սիսիանի բաժնում հաղորդում է ստացվել, որ Գորայք գյուղի մոտակայքում ավտոմեքենա է կողաշրջվել, կան տուժածներ:
Ոստիկանության մամուլի ծառայությունից NEWS.am-ին հայտնում են, որ մեկնած օպերատիվ խումբը պարզել է, որ նույն օրը, ժամը 18.45-ի սահմաններում, Երեւան-Մեղրի ճանապարհի 172-րդ կմ-ին «Ֆոլքսվագեն Գոլֆ» մակնիշի ավտոմեքենան դուրս է եկել երթեւեկելի գոտուց եւ կողաշրջվել, ինչի հետեւանքով վարորդը եւ 3 ուղեւորները մարմնական վնասվածքներով տեղափոխվել են հիվանդանոց: Կատարվում է քննություն: