Ավետիսյանների ընտանիքի սպանության գործով նոր վկա հրավիրելու միջնորդություն է ներկայացվել: Միջնորդությունը ներկայացրել է տուժած կողմի ներկայացուցիչ դատապաշտպան Լուսինե Սահակյանը:
Դատապաշտպանը հիշեցրել է, որ մինչ այդ հարցաքննված վկաների խոսքով՝ ձերբակալված Պերմյակովին Գյումրիի Սահմանապահ ջոկատ հասցնելու ժամանակ ներկա են եղել Հայաստանի ներկայացուցիչները: Դատապաշտպանը նշել է, որ պարզվել է, որ Հայաստանի ներկայացուցիչը Շիրակի այն ժամանակվա ոստիկանապետ Վարդան Նադարյանն էր: Նախկին ոստիկանապետի հարցաքննությունը կարեւոր նշանակություն ունի՝ պարզելու համար թե ինչու էր Պերմյակովը անարգել հայտնվել ռուսական կողմի մոտ: Այս հարցի պարզաբանումը, դատապաշտպանի խոսքով, պակաս կարեւոր նշանակություն չունի նաև որպես նախադեպ : Տուժածների իրավահաջորդի ներկայացուցիչ Արա Զալյանի մեկ այլ միջնորդություն վերաբերում էր մյուս ոստիկաններին կանչելուն:
Չնայած դատապաշտպանի համոզիչ փաստարկներին՝ դատավորը որոշեց, որ միջնորդությունը վերաբերում է ոչ թե մեղադրանքի բովանդակությանը, այլ ոստիկանների կողմից իրենց ծառայողական պարտականությունների կատարմանը ու դրա հիման վրա մերժեց այն: