Գյումրիում սպանված Ավետիսյանների իրավահաջորդի ներկայացուցիչը միջնորդություն է ներկայացրել ամբաստանյալ Վալերի Պերմյակովի հորը՝ Պավել Պերմյակովին դատարան կանչելու համար:
Կողմերը միաձայն դեմ արտահայտվեցին այս միջնորդությանը:
Դատավորը հիշեցրեց, որ դատում են որդուն, այլ ոչ թե հորը: Դատախազ Գեւորգ Գեւորգյանը համարեց, որ միջնորդությունն այնքան անհիմն է, որ նույնիսկ մեկնաբանելու կարիք չկա:
Նույնիսկ իրավահաջորդի ներկայացուցիչ դատապաշտպան Լուսինե Սահակյանը դեմ արտահայտվեց: Միջնորդությունը մերժվեց:
Միջնորդության երկրորդ մասով՝ ողբերգության օրվա հերթապահ Նիկիշինին որպես վկա դատարան կանչելու հարցով, դատարանը որոշեց, որ հարցումը պետք է կրկնվի:
Հաջորդ նիստը կկայանա մայիսի 13-ին: